Grandmercejadas

Grandmercejadas

Martina Gròs e los de la lista « Occitània per una Euròpa dels pòbles » sostenguda pel Partit de la Nacion Occitana (PNO) grand mercejan  las electritz e los electors dels 18 departaments de la circonscripcion Sud-Oèst que nos faguèron fisança lo 25 de mai de 2014.

878 voses ! De segur la resulta es de las magrinèlas, mas es a la pagèla dels mejans umans e financièrs que la lista avia a posita per aquesta campanha de las eleccions europencas.

A malgrat tot aquò contunharem dins los meses e las annadas que vènon de portar l’esperança d’una Euròpa de totes los pòbles que Occitània, Euzkadi, Catalonha e d’autras nacions sens estat i seràn vertadièrament representadas.

La nòstra preséncia a dobert una via d’esperança pel pòble occitan. Doman aquel d’aqui serà mai fòrt se las fòrças democraticas que lo compausan se sabon unir per çò d’essencial. Las nòstras divisions fan lo jòc de Paris.

Martina Gròs

Gèli Grande

Lo 27 de mai de 2014

Descargatz vòstre bulletin de vòte

Vòstre bulletin de vòte es aqui :

➜➜➜  Descargatz

 

La cap de lista es Martine GROS de Nîmes.
Anatz descargar e imprimir en format classic A4 una pagina ont trobaretz dos bulletins.
Vos mercejam de descopar amb suènh a fin de recuperar los dos bulletins de vòte.
Per avanci mercés per vòstra particpacion.

Lista dels candidats e candidatas

Lista oficiala de las candidatas e candidats de la lista :

"Occitània per una Euròpa dels Pòbles"

Cap de lista : Martine GROS

Programa dèl collectiu "Occitània, per una Euròpa dels pòbles"

                          

                Programa del collectiu 

             "Occitània, per una Euròpa dels pòbles"

            Per una Euròpa federala, descentralizada, democratica e sociala

* Per una Union Europenca que reconesca l'existéncia dels tres pòbles, occitan, catalan e basc, de lors lengas, de lors culturas e de lors identitats.
* Per una Union Europenca que siá pas mai una associacion d'Estats geloses de lors prerogativas mas una federacion de pòbles autonòmes.
* Per democratizar las institucions europencas en las aprochar dels ciutadans per :
·       La supression de la Commission Europenca e son remplaçament per un President de l’Union Europenca elegit al sufragi universal.
·       Un Primièr Ministre e un govèrn europenc responsables davant lo Parlament Europenc
·     Un Parlament Europenc compausat d’una cambra dels deputats europencs que aja lo poder de legiferir e d’un Senat Europenc sul modèl del Bundesrat alemand, elegit al sufragi universal.
* Per l’aplicacion estricta del principi de subsidiaritat (las decisions devon èstre presas al nivèl melhor e non pas impausadas  de denaut) : Los pòbles devon èstre consultats sus totes los sicuts d'envergadura engatjant lor astrada per referendum, en particular l’alargament de l’Union europenca.
Per afortir los poders del Parlament Europenc cap als frens pausats per los govèrns dels Estats sòcis e particularament l'Estat francés.
* Per una agricultura respectuosa de l'environament : desvolopament de la filièra fusta, ajuda europenca a l'agricultura en parçan desfavorizat e de montanha, enebiment dels pesticids que deiman las abelhas. L'importacion dels produchs fòra U.E. se deurà far en respectant escrupulosament las nòrmas fitosanitàrias europencas.
* Per una melhora mestresa del fonzièr  per las regions per ajudar lors estajants a viure e trabalhar al país.
* Per espleitar las sòrgas d'energia, a condicion que l'environament siá parat e qu'aquela espleitacion profite al desvolopament de nòstres territòris.
* Per melhorar e desvolopar las vias de comunicacion transversalas (ralh e rota) en favorizar l'economia de nòstres territòris emai en nos jónher a totes nòstres vesins europencs.
* Per revitalizar nòstras industrias tradicionalas abandonadas per l'Estat francés emai per cercar de filièras novelas que permetan de viure e trabalhar au país, especialament l'implantacion e lo desvolopament d'entrepresas tecnologicament innovantas.
* Per la mai granda vigilància sus la negociacion en cors entre l'Union europenca e los Estats Units per establir una zòna de liure-escambi trans-atlantica, per que i aja pas de reculada en matèria de proteccion dels productors e dels consomators europencs.
* Per metre un tèrme al dumping social emai a las distorcions de concurréncia en Euròpa.
* Per regular los flusses migratòris per una politica concertada al nivèl europenc.
* Per una melhora politica d’integracion dels immigrats extra-comunautaris, sens angelisme ni xenofobia, en ligason entre los estats e las instàncias europencas, passant per :
·     L’aprendissatge pels immigrats e lor familha de la lenga del país d’acuèlh e l’emplec salariat legal
·     L’ajuda al retorn dels immigrats que o desiran dins lors païses d’origina
·     D’encoratjaments a una govèrnança melhora dins aqueles païses
·   L’instauracion de rapòrts economics mai egalitaris entre païses desvolopats e païses en via de desvolopament.
* Per la creacion de collectivitats territorialas especificas correspondent a las reivindicacions dels catalans de Catalonha Nòrd (Pirenèus Orientals mens lo Fenolhedés occitan) e dels bascs del País basc Nòrd dins los Pirenèus Atlantics.

Papierons

Per descargar los papierons : Descargatz

ELECCIONS EUROPENCAS DEL 25 DE MAI DE 2014

Lista « Occitània, per una Euròpa dels pòbles »

 Volètz que :

·    L’Union Europenca reconesca los Occitans, los Catalans e los Bascs.

·    l’Union Europenca siá pas mai una associacion d’Estats mas una federacion dels pòbles.

·    l’Union Europenca se rapròche dels ciutadans :

     ·  Supression de la Comission Europenca e remplaçament per un President de l’Union Europenca elegit al sufragi universal.

      ·  Un Primièr Ministre e un govèrn europencs responsables davant lo Parlament Europenc.

      ·   Un Parlament Europenc que aja lo poder de far e votar de leis.

      ·   Las decisions sián presas al melhor nivèl e que los pòbles sián consultats per referendum, especialament sus l’alargament de l’Union europenca.

·    L’agricultura respecte l’environament : desvolopament de la filièra fusta, ajuda europenca a l’agricultura en parçan desfavorizat e de montanha, enebiment dels pesticids que deiman las abelhas.

·    Las regions ajan una melhora mestresa del fonzièr per ajudar lors estajants a viure e trabalhar al país.

·    L’espleitacion de las sorgas d’energie apare l’environament e siá profechosa al desvolopament de nòstras regions.

·    Las vias de comunicacion transversalas (ralh e rota) sián favorizadas e nos jónhen a totes nòstres vesins europencs.

·    La revitalizacion de nòstras industrias tradicionalas e  la recèrca de filièras novèlas permetan de viure e trabalhar al país.

·    La negociacion entre l’Union europenca e los Estats Units per l'establiment d'une zòna de liure-escambi transatlantica afecte pas la proteccion dels productors e dels consomators europencs.

·      La fin del dumping social e de las distorsions de concurréncia en Euròpa.

·   Lo contraròtle dels flusses migratòris per una politica concertada al nivèl europenc.

·    Una melhora politica d’integracion dels immigrats legals extra-comunautaris en ligason amb los estats e las instàncias europencas.

·   La creacion de collectivitats territorialas pels Catalans de Catalonha Nòrd (Pirenèus Orientals mens lo Fenolhedés occitan) e los Bascs del País Basc Nòrd dins los Pirenèus Atlantics.

 Alavetz votatz e fasetz votar per :

« Occitània, per una Euròpa dels pòbles »

Descargatz vòstre bulletin de vòte sus :

http://occitania-eleccion-europenca2014.blogspot.fr

Contact : oc-eu-2014@laposte.net                             Telefonet :

                    Imprimit per nosaus                           Escampar pas sus la via publica

 ..............................................................................

ELECCIONS EUROPÈAS DEU 25 DE MAI DE 2014

Lista « Occitània, per una Euròpa dels pòbles »

Volètz que :

·     L’Union Europèa e reconesca los Occitans, los Catalans e los Bascs.

·     l’Union Europèa e sia pas mei ua associacion d’Estats mes ua federacion deus pòbles.

·     l’Union Europèa se raproche deus ciutadans :

    ·  Supression de la Comission Europèa e remplaçament per un President de l’Union Europèa elegit au sufragi universau.

     · Un Purmèr Ministre e un govèrn europèus responsables davant lo Parlament Europèu.

       ·  Un Parlament Europèu qui aja lo poder de har las leis e de las votar.

·     Las decisions e sian presas au melhor nivèu e que los pòbles e sian consultats per referendum, especiaument sus l’eslargiment de l’Union Europèa.

·     L’agricultura respecte l’environament : desvolopament de la hialèra husta, ajuda europèa a l’agricultura en parçan desfavorizat e de montanha, interdiccion deus pesticids qui deciman las abelhas.

·     Las regions ajan ua melhora mestresa deu fonzièr entà ajudar lors abitants a víver e trabalhar au país.

·     L’espleitada de las honts d’energie e apare l’environament e  profeite au desvolopament de las nòstas regions.

·     Las vias de comunicacion transversaus (ralh e rota) sian favorizadas e nos religuen a tots los nòstes vesins europèus.

·     La revitalizacion de las nòstas industrias tradicionaus e  la recèrca de hialèras navèras permetan de víver e trabalhar au país

·     La negociacion entre l’Union Europèa e los Estats Units tà l'establiment d'ua zòna de liure-escambi transatlantica e afecte pas la proteccion deus productors e deus consomators europèus.

·     La fin deu dumping sociau e de las distorsions de concurréncia en Euròpa.

·     Lo contraròtle deus flus migratòris per ua politica concertada au nivèu europèu.

·     Ua melhora politica d’integracion deus immigrats legaus extracomunautaris en ligason damb los estats e las instàncias europèas.

·   La creacion de collectivitats territoriaus peus Catalans de Catalonha Nòrd (Pirenèus Orientaus mens lo Fenolhedés occitan) e los Bascs deu País Basc Nòrd dens los Pirenèus Atlantics.

Alavetz votatz e hasetz votar per :

« Occitània, per una Euròpa dels pòbles »

Descargatz lo vòste bulletin de vòte sus : 

http://occitania-eleccion-europenca2014.blogspot.fr

Contacte : oc-eu-2014@laposte.net                                         Telefonet :        
                   Imprimit per nosautes                                            getar pas susla viapublica

..........................................................................................

ELECCIONS EUROPENCAS DEL 25 DE MAI DE 2014

Lista « Occitània, per una Euròpa dels pòbles »

Volètz que :

·    L’Union Europenca reconesca los Occitans, los Catalans e los Bascs

·    L’Union Europenca siá pas mai una associacion d’Estats mas una federacion dels pòbles.

·   Las decisions sián presas al melhor nivèl e que los pòbles sián consultats per referendum, especialament sus l’alargament de l’Union europenca.

·    L’agricultura respecte l’environament (enebiment dels pesticids que deiman las abelhas).

·    L’espleitacion de las sorgas d’energia apare l’environament e siá profechosa al  desvolopament de nòstras regions.

·    Las vias de comunicacion transversalas (ralh e rota) sián favorizadas.

·   La revitalizacion de nòstras industrias tradicionalas e la recèrca de filièras novèlas permetan de viure e trabalhar al país.

·     La fin del dumping social e de las distorsions de concurréncia en Euròpa.

·    La creacion de collectivitats territorialas pels Catalans e pels Bascs.

Alavetz votatz e fasetz votar per : 

« Occitània, per una Euròpa dels pòbles »

Descargatz vòstre bulletin de vòte sus :

 http://occitania-eleccion-europenca2014.blogspot.fr

Contact : oc-eu-2014@laposte.net                                            Telefonet :

                        Imprimit per nosaus                                   Escampar pas sus la via publica

......................................................................................................................................

ELECCIONS EUROPENCAS DEL 25 DE MAI DE 2014

Lista « Occitània, per una Euròpa dels pòbles »

Volètz que :

·     l’Union Europèa e reconesca los occitans, los catalans e los bascs

·    l’Union Europèa e sia pas mei ua associacion d’Estats mas ua federacion deus pòbles

·   Las decisions sian presas au melhor nivèu  e que los pòbles sian consultats per referendum, especiaument sus l’eslargiment de l’Union Europèa.

·    L’agricultura respecte l’environament  (interdiccion deus pesticids qui deciman las abelhas)

·   L’espleitada de las honts d’energia e apare l’environament e profeite au  desvolopament de las nòstas regions

·     Las vias de comunicacion transversalas (ralh e rota) sian favorizadas

·    La revitalizacion de las nòstas industrias tradicionaus e la recèrca de hialèras navèras permetan de víver e trabalhar au país.

·     La fin deu dumping sociau e de las distorsions de concurréncia en Euròpa.

·    La creacion de collectivitats territoriaus peus catalans e peus bascs

Alavetz votatz e hasetz votar per: 

« Occitània, per una Euròpa dels pòbles »

Descargatz vòstre bulletin de vòte sus : 

http://occitania-eleccion-europenca2014.blogspot.fr

Contact : oc-eu-2014@laposte.net                                  Telefonet :

         Imprimit per nosautes                  Escampar pas sus la via publica

Circonscripcion Sud-Oest

Las circonscripcions per l'eleccion europenca e las lengas occitana, basca e catalana :